صـادق الوعد

قلت الوداع وجابت دمعت العين

تجرح بساتين الخدود النديه ..

وغضت وشفت بعينها الحزن حزنين

وصاااااحت على الفرقى انا مو قويه

وجاوبتها ارجووك تكفين تكفين

والله دمعــــك يشعل النار فيه.....

وقالت تعاهدني عهاد المحبين

الله يخون اللي يخون خويه ,,

قلت ابشري واللي خلق لاتظنين

حرام ماغيرك عشقت ادميه..!

وقصت شعرها وقلت انا وش تسوين

قالت ابي من غرتي لك هديه..

ونادتني الغربه على الهم والبين

احسب الايام روحه وجيه ...

وفي كل ليله ترتسم بين رمشين

خيالها بين الرموش الشقيه...

غربت سنه في ذمتي غربة سنين

متى على الله يلتقي الحي حيه

خلاص هانت مابقى غير يومين

خلاص قفة غربه جرهديه...

ورجعت شوقي في خفوقي براكين

ورجعت انا كلي لها جاذبيه....

وسألت ماردو ا؟؟!!!

وانا

اصيح هي وين..............!!

وكل(ن) نثر من داخل العين ميه

وفي معمعة حزني تلقيت رمحين

قالو توفت غافلتها المنيه ..!

وفي غرغرتها ماذكرت غير حرفين

تشهدت بسمك شفات البنيه ..

وتزاحمت في داخلي الف سكين

والحزن يطويني ثمانين طيه ..

صدمه وجابتني على الارض نصفين

وشلون راحت دون ذنب وخطيه,,؟

تكفون دلوني على قبرها الحين..!

ماعاد فيني لصبر مقدريه......

ووقفت اطالع قبرها بين نصبين

وجلست اضم اغلا النصايب عليا

واصيح وش بك يغلاااااااي ماتردين

واشتقت همس شفاك النرجسيه

وش فيك جيت من السفر ماتهلين

ماهي بلك عاده ولانتي رديه

وحاولت في لحظه اجرح الدين

وازيح تربت قبرها في يديه

وبالغصب شالوني حشى تقل مسكين

واصرخ بهم والله والله حيه ..!

وقفت وتاهت بي جميع العناوين

والحزن يلعب داخلي سامريه

ورجعت لدروب الشقى قبل عامين

مدري من اللي صار فينا ضحيه ...

__________________

نسرين

روعهههههههههههههههه لكن فيها حزن لله يبعد الفرق جميله فعلا

__________________

رمضان كريم لك اعضاء نسمه الكرم الله يجعل شهر مغفره و محبه و سلام للجميع الله معكم و قول لكم لن انسكم ابدا و تحيات نسرين لك الاعضاء و اللاخوه الكرم لكم اقول مع الف سلامه

مصطفى سباق

أخى صادق

يالرهافة الحس

وقمة الإبداع

سلم يمينك

تحياتى

صـادق الوعد

شكراً لكم على الردود المميزة

تحياتي لكم

__________________