سحر الشوق

غمز لي وقال لي ياحلو يا حظ اللـي يحبونـك ..

غريبه كيف ما يدري عن إحساسي وحبـي لـه.!

يقول لي كاشخة شعندك؟ في قلبي قلـت لعيونـك

سرحت بعيد ونادانـي وأنـا والله فكـري لـه

سألني منهو محبوبك؟ وقال لي شفتـه بعيونـك

فرحت وقلت له إحلف قـال أمزح..عزتـي لـه

حسبت إنه درا عني هقيتـه قـال لـي عونـك

طلع ما يدري شالموضوع وأنا ألمح وأنادي لـه

سألته قلت:له بسألك..من اللي عايـش بكونـك؟

من اللي تحبه ويحبك ؟من اللـي تسهـره ليلـه؟

بغيته يقول لي إنتـه بغيتـه يقـول مجنونـك

ولكـن قـال لـي محد..علـى نياتـه يحليلـه ...

ضحكت ضحكت تعاسه وقلت له يا حظ مضنونك

وقال لي لا دخيلك ماني ناقـص هـم وأشيلـه...

قلت له شوف حولك يمكن تشوف اللي يحبونك

تلفت.. قال لي محد.. وأنا اللي قاعد أشكي لـه

دمعة حزينة

طلع ما يدري شالموضوع وأنا ألمح وأنادي لـه

مشكورة سحر الشوق عم تعبري عن الحب من طرف واحد بطريقة حلوة
الله يعطيكي العافية

__________________

ملاك الحياه

مشكووووووره سحر على هذا الإحساس الجميل

__________________