* fahhodi *

هذا من القصائد الي طبعا لها موقف والقصيدة تشرح موقفها

فأترككم مع القصيدة


يا فــــهـد أمـــــزح


هي سالفة ٍ عقدت على روس الحبال
سالفة ٍ مرت عليها هالسنين

سالفة بنت كانت كالغزال
ملكتها الدنيا بأمر من المعين


يكفي لكم وصفها مثل الخيال
حلوة ٍ مزيونة ٍ بيضا اليدين


سميتها ودلعتها بكل الدلال
حبيبتي ودنيتي وكل شي زين


مشيتها وشربتها العذب الزلال
نومتها وسكنتها بقلبٍ وعين


عطيتها مني بليا أي سؤال
علمتها وكبرتها أربع سنين


من غلاها الحبر مايوم سال
خفت إني أذبحه ولااوفي الدين


جاني اليوم وماتت فيه الخصال
قالت انسى قلت أنتي تمزحين ؟!


قالت أمزح ! لا حشى هذا محال
كلمتي هذي وامسح الدفين


من شهر وعقلي بين جال ٍ وجال
وهذا ماعندي بعد جهدٍ حزين


قلت لها يابنت شوفي الإرتجال
وانتي الي جالسه بس تلعبين

عهد ٍ علي بمسكتي طرف العقال
قدرك وصار عندي بجزمتين


ما أنحني ولا ارتجي أم الجمال
وش عاد انتي يوم إنك تنفخين


يابنت أنا تشهد لي قروم الرجال
بالفعل وبطيب أهلى الأولين


ماهو مدح بطلتي ولاهو اختيال
بس ودي بالي فاتك تعرفين


نادي مرة وانتخي بذيب الشمال
واعرفي يابنت منهو تصدفين


فخر انا يابنت ومن روس الجبال
مايهز مثلك فيني شعرتين


عتيبي انا وانعرف بوقت الجلال
ولا أنتي بصفطتي وش تطلعيتن


قال ابعد قلت يابنت الحلااااااااال
أنتي الي لازقه فيني الحين


هي زمجرت ونرفزت ولفه خبال
هي ناظرت وذرًّفت لي دمعتين


هي غمضت وفتحت والرمش كنه استمال
هي حاولت تضمني بالساعدين


يا فهد أمزح قربلي وتعال
قلت والله لو إنك تختفين


انقزي يابنت وانصي هالتلال
واركضي فيها لييييين تتعبين


وان تعبتي اغرفي الما وسال
وان شربتي مالك الا تجلسين


ولا أنا مالك معي أيات حال
لو تذرفين أو تاقفين أو تقعدين


أتمنى ان تنال اعجابكم


تحياتي الحارة ...

:؛: جنون العاطفه :؛:

عهد ٍ علـي بمسكتـي طـرف العقـال
قـدرك وصـار عـنـدي بجزمتـيـن
مـا أنحنـي ولا ارتجـي أم الجـمـال
وش عـاد انتـي يـوم إنـك تنفخيـن
يابنت أنا تشهـد لـي قـروم الرجـال
بالفعـل وبطـيـب أهـلـى الأولـيـن
---------------------------
عتيبي انـا وانعـرف بوقـت الجـلال
ولا أنتـي بصفطتـي وش تطلعيـتـن

ــــــــــــــــــــــ


والله ومليون ألف نعم يافهد

صح لساانك مليووون وانا ادري انها قليله

لاهنت طال عمرك

مبدع بكل ما تعنيه الكلمه

لاتحرمنا من أبدااع الغالي


كل الشكر

جنون العاطفه

__________________
[align=center][/align]

[align=center].:: عـــاشــق الــقـيــــصـــر كــــاظـــم الــســاهــــر ::.
.:: جــــنــــون الــــعـــــاطـــفــــه ::.[/align]

* fahhodi *

اقتباس: المشاركة الأصلية كتبت بواسطة جنون العاطفه    عهد ٍ علـي بمسكتـي طـرف العقـال قـدرك وصـار عـنـدي بجزمتـيـن مـا أنحنـي ولا ارتجـي أم الجـمـال وش عـاد انتـي يـوم إنـك تنفخيـن يابنت أنا تشهـد لـي قـروم الرجـال بالفعـل وبطـيـب أهـلـى الأولـيـن --------------------------- عتيبي انـا وانعـرف بوقـت الجـلال ولا أنتـي بصفطتـي وش تطلعيـتـن ــــــــــــــــــــــ والله ومليون ألف نعم يافهد صح لساانك مليووون وانا ادري انها قليله لاهنت طال عمرك مبدع بكل ما تعنيه الكلمه لاتحرمنا من أبدااع الغالي كل الشكر جنون العاطفه

صح بدنك

ومشكور على الكلمات والتعليق الرائع الذي عطرت به صفحتي الموتواضعه


تحياتي الحارة ...