انين الروح

مشكور اخوي جسد بلا روح على المرور الرائع تسلم

انين الروح

الجزء الثالث :

بليل الساعه 9
مريم : الوووو شلونك حبيبي
خالد : طيب .. وإنتي شلونج
مريم : الحمد لله .. شو سويت في تسجيل حياتي .؟؟
خالد : الحمد الله سجلت وبعد اقبلوني في انجليزي يعني أنا وياج في انجليزي
مريم : والله زين زين .. عيل عيني عليك يا ويلك تفكر تطالع بنت مني ولا مني
خالد : زين مريم إنتي مو خايفه إني أقدر أعرفج لأنه الكورس الياي راح يقل العدد و وإنتي وصفتي لي شكلج
مريم : زين انها يت منك ما حبيت أقوله لك أنا
خالد : شو؟
مريم : لا تحول إنك تدور علي يا خالد لأنه لحظتها بسرعه تقدر تعرفني لأن نظراتي لك راح تفضحني .. أرجوك يا خالد في الكلاس خلك ويه روحك لا تلفت وتدورني .. لأن لو عرفتني راح نفترق يا خالد
خالد : لالالا خلاص صدقيني من أول ما أدش الكلاس لين أطلع عيني في الأرض
مريم : ( تضحك) أي جي عفيه عليك

ويستمر الكلام لين آخر الليل ويوم وراى يوم وينتهي كورس ويبداء كورس وحب خالد لي مريم كل يوم يزيد ويتعلقون في بعض أكثر وأكثر .. مريم تحب خالد من كل قلبها وخالد ما بخل عليه في حبه .. لين جاء يوم كان يوم ما راح ينسى خالد طول عمره

خالد : الووو وينج مريم ليش غايبه اليوم
مريم : ( بصوت حزين ) هلا خالد وإنت شو دراك إني غايبه ليكون إنت عرفتني وخاش عني .. بس ما يهم خلاص
خالد : لا والله أنا أحس فيج اليوم وأنا في محاضرة الانجليزي ما حسيتج في قربي حسيت شي ناقص مني .. والله ضاقت فيني الدنيا .. شو صار فيج حياتي
مريم : أنا يا خالد
خالد : ( يقاطعها) وشو قصدج بعد في ما يهم خلاص ؟؟؟ شو صار يا مريم تراج خرعتيني شو فيج ؟؟؟
مريم : خالد ما أدري شو أقولك .. ياليت خليت حبي لك في قلبي وسكت بس أنا كنت انانيه .. ( وتبجي وتسكر التليفون )
تم خالد يتصل عليها طول اليوم لين الفجر .. ردت عليه
خالد : إنتي شو فيج شو صاير سهرتيني معاج وأنا علي اختبار
مريم : روح إدرس يا خالد
خالد : ما أبي أدرس في الأول أبي أعرف شو صار فيج
مريم : خالد أنا منملج علي من أنا عمري 17 سنه على ولد خالتي .. وأمي عزمت خلاص تزوجني أنا كنت صغيره لما ملجو علي ولا كان أحد شاغل قلبي ولا همني أخذ ولد خالتي ولا غيره .. بس لما شفتك في الجامعه أول مره مدري شو صار فيني حسيت إنك خذيت قلبي ومشيت
خالد : ( ساكت)
مريم : خالد لا تسكت تكلم .. أمانه لا تسكت تكلم .. لا تخليني جي خالد حرام عليك
خالد : مريم وبعد شو ودج تقولين
مريم : خالد أنا أحبك والله العظيم أحبك والله إلي خلقني أحبك أموت فيك .. صدقني عمري ما بداء الا يوم عرفتك أحبك وراح أتم طول عمري أحبك .. خالد أنا كان ودي ما تعلق فيني كان ودي إنك تعرف على وحده غيري بس شو أسوي .. خالد صدقني ما قدرت أمنع روحي عنك لما عرفت رقمك .. خالد إنت إنت .. ما أدري شو اقول
خالد : شو بعد تقولين .. حرام عليج
مريم : خلاص لا تقول جي .. أنا إلي سويته كان قصبن عني لأني حبيتك والله العظيم حبيتك من كل قلبي بس أمي خلاص معنده إنه أتزوج ولد إختها الله ياخذه يا رب
خالد : لا تدعين على ريلك
مريم : مو ريلي ولا أبيه أبيك إنت خالد إنت الوحيد إلي أبيه إلي حبيته ولا أبي غيره .. خالد شو رايك انحاش وياك ونتزوج .. خالد أنا ما أقدر أصبر يوم عنك
خالد : لا وشو ذنب أمج تبين تذبحينها
مريم : وهي ذبحتني ألف مره لما زوجتني لولد إختها .. وراح أموت مليون مره لو ابتعدت عنك
خالد : مريم .. طلبتج .. وأمانه لا ترديني لو إنتي تحبيني لا ترديني
مريم : ( تمسح دموع الي على خدها ) يا عيون مريم وروحها وحياتها .. امرني
خالد : إنسيني ولا تدقين علي
مريم : ( تنصدم ) خالد إنت شو قاعد تقول
خالد : هذا طلبي ومع السلامه يا مريم

أها مرت إسنين وإنتي على بالي ما نسيتج يا مريم وتخرجت وإنتي في بالي ولا حبيت أحد غيرج يمكن إنتي الحين خلاص نسيتيني وانشغلتي في حياتج ويقاطع تفكيره رنت تليفون ولا رقم غريب
خالد : الو
مريم : ممبروك على التخرج يا خالد
خالد : ( وتنزل دمعت الفرحه من عينه ) منو مريم
مريم : إي مريم .. إلي ما نستك ولا لحظه
خالد : إنتي وينج ؟؟؟
مريم : أنا طول عمري قريبه منك طالع قدام وراح تشوفني
ويطالع خالد من دريشة سياره قدامه ولا في سياره فورد زرقاء فيه بنت بس ما قدر يشوف ملامحها عدل وينزل ويروح لها
خالد : هذه إنتي يا مريم
مريم : إي هذه أنا .. شلونك خالد
خالد : ما شاء الله عليج كل سنه تحلين أكثر .. لو أدري إنه يوم من ايام كنتي حبيبتي كان

مريم : ( تقاطعه) ولا زلت يا خالد أحبك
خالد : تكفين ما ودي أفضح عمري وأناقز في الشارع من الفرحه
مريم: ( تضحك) الله يقطع إبليسك .. إي صج ما عرفتك على عيسى .. عيسى يمه تعال قرب .. ويقرب عيسى من كشن وراني ولا الولد ماخذ حلات أمه كلها وكان يشبه أمه حيل
مريم : هذا عيس ولدي
خالد : ماشاء الله عليه مزيون .. طالع على أمه
مريم : وعلى أبوه الله يرحمه
خالد : الله يرحمه .. مات متى.؟؟؟
مريم : من ست أشهر .. الله يرحمه في حادث
خالد : الله يرحمه .. مريم أنا من طبعي ما أحب مقدمات ولا شي .. مريم أنا تخرجت مهندس .. لو أتقدم لج موافقه ؟؟
مريم : يا خالد بس ولدي
خالد : حسبت ولدي .. ها شو رايج ودي تكمل فرحتي
مريم : بس يا خالد
خالد : لا بس ولا شي خلصيني
مريم : ( تبتسم ) أفكر

وتزوج خالد من مريم .. ولكن كان خالد عقيم .. ورضوا كلهم في عيسى ورباه خالد أحسن تربيه وكان حسبت ولده ويكبر عيسى ويتزوج من زميلته في الجامعه بس ما عانا مثل ما عانا خالد ويه أمه .. لأنهم تفاهموا الموقف وعرفوا أن الحب أثمن شي في الوجود .

من الايميل

وان شاء الله عجبتكم القصه

أصايل

تسلمين ساحرة القلوب على القصة الرووووعه

أختكم أصايل

انين الروح

مشكوره اصايل على المرور الجميل نورتي القصه

نوودي

مررررررررررررررررررررررررررررررررررررررة جنــــــــــــــــان

الله يعطيك العافية

الحزينـــة

رووووووووووووعة من جد يسلموووو.. لا تحرمينا من جديدك

دلوعة

والله تجنن القصة

ررررررررررررووووووووووووووووعععععععععععععععةةةةةةة ةةةةةةةة


لا تحرمينا من جديدك

__________________

الكارثة

ساحرة القلوب

يعطيك العافيه قصة جميله جداً بس نبي التكمله الله لا يهينك

واذا كنتي انتي الكاتبة للقصه فيسعدني ان اقدم لك مشروع جيد

اما اذا كان شخص آخر فيا ليت اتعرف عليه لانه لديه خيال خصب في الكتابه ورايح يكون ناجح في مشاريع كثيره

تحياتي لك

الكارثة

__________________

جسد بلا روح

ياريتني شمعة وكنتي انتي الريح يلي تطفيني
قصة رااااااااااااااااااائعة وللحين متأثر فيها لكن بجد خاالد طلع رجااال ولد رجاااال
لو انا مكانه كان تزوجتها
يالله ان شاء الله اكون مثل خااااااااااااااااااااالد بس مو عقيم يارب يعطينا الخير لي ولكل المنتدى من اعضاء ومشرفين
تحياتي لك
جسد بلا رووح

انين الروح

نوودي , الحزينه , دلوعه , الكارثه , جسد بلا روح

مشكورين على المرور الله لا يحرمنا من تواصلكم معانا

اخوي الكارثه آسفه لاني ما اقدر اوفيك بالمعلومه الي تبيها لان المصدر ما بعرفه

بس ان شاء الله اول ما اعرفه راح اخبرك